හෙඩ් බල්බ් එකක් 28000/= යි..... :O

මේ ළගදි මාර සීන් එකක් වුනේ.... Vitz 2008 කාර් එකක හෙඩ් ලයිට් බල්බ් එකේ අවුලක් ආව... හෙඩ් ලෑම්ප් ඔන් කරල විනඩි 5කින් විතර එක බල්බ් එකක් නිවෙනව. ලයිට් වැඩ කරන පොට් එකකට කාර් එක අරන් ගියා. පොර බලල කිව්ව බල්බ් එකේ අවුල තියෙන්නෙ, අලුත් බල්බ් එකක් දාන්න වේවි කියල. බලබ් එකක් ඉතින් රුපියල් 700 ක් 800ක් විතර වේවි කියල මාත් හා කිව්ව. බල්බ් එකේ ගාන 28000/= ක්.... මම කැරකිල ගියා ගාන අහල. ගෙදර අවිල්ල පොඩ්ඩක් හොයල බැලුව ඇයි යකෝ මේව මෙච්චර ගනන් කියල. 

බලන් ගිහාම දැන් එන හැම වාහනේකම වගේ එන්නෙ HID (High Intensity Discharge) හෙඩ් බල්බ්ලු. මේව සාමාන්‍ය හැලජන් බල්බ් වලට වඩා තුන් ගුනයක් විතර එලියයි. අනිත් සීන් එක තමයි මේ HID බල්බ් වලට තනියම වැඩ කරන්න බෑ. මේ බල්බ් එකට ෆිලමන්ට් එකක් නෑ. ඇතුලෙ තියනව පොඩි කුටීරයක්. ඒකෙ තියෙන්නෙ Xenon ගෑස් එක. මේ කුටීරය දෙපැත්තෙ තියනව ඉලෙක්ට්‍රෝඩ දෙකක්. මේ HID බල්බ් එකක් දල්වන්න නම් 25000 ක වෝල්ටේජ් ඒකක් දෙන්න ඕනලු. වායුව අයනීකරණය වුනාට පස්සෙ 70-90 අතර වොල්ටේජ් ඒකක මේ බල්බ් ක්‍රියාත්මක වෙනව. 25000 ක වෝල්ටේජ් එක දෙන්න Ignitor  එක කියල කොටසකුත් වෝල්ටේජ් පාලනයට සහ DC - AC කරන්න Ballast කියල කොටසකුත් මේ බල්බ වලට එනව. ඒව තියෙන්නෙ හෙඩ් ලයිට් එකෙන් එලියෙ බොනට් එක ඇතුලෙ.

ෆිලමන්ට් එකක් නැති නිසා HID බල්බ් වල ජීව කාලය හැලජ්න බල්බ වලට වඩා ඉතා වැඩියි. මේ බල්බ් වලට භාවිතා වෙන අධික වොල්ටේජ් නිසා හෙඩ් ලයිට් දාල තියන වෙලාවට බොනට් එක ඇරගෙන ලයිට් අත පත ගාන්න යන්න එපා.

පොඩියට තිබ්බට කොහොමද HID වල ගනන්. මම ගියා දෙල්කදට බල්බ් ඒකේ වැඩේට මොකද කරන්නෙ බලන්න. එහෙත් ඉතින් අලුතින් ගන්නවනම් බල්බ් එක 28000 ක්  වෙනව. මම නිකමට වගේ ඇහුව Ballast එක කීයද කියල. හප්පට සිරි ඒක 25000ක් වෙනව.

මගෙ වෙලාවට Recondition Parts විකුණන කඩේක මට ඕන මාදිලියෙ බල්බ් එක තිබ්බ. HID බල්බ් වල එක වාසියක්නෙ ජීව කාලය වැඩි එක, ඒක නිසා Recondition බල්බ් එකක් ගත්ත බය නැතුව. ඒක 12000 ක් වුණා. දැන් තේරෙනව නේද බල්බ් වල ගනන්. ඒක නිසා වැරදිලාවත් කොහේ හරි හැප්පිල හෙඩ් ලයිට් Casing එක බිදුනොත් ඇතුලෙ ලයිට් එක ආරක්ෂා කර ගන්න මතක තියාගන්න. ඕක මොකෙක් හරි ගලවන් සාක්කුවෙ දාගෙන ගියොත් අතින් කයිට්.

වාහනේ හීට් කට්ට........

වාහනේ හීට් මීටර් එක වෙලාවකට පෙන්නනවනෙ එන්ජිම පට්ට කූල් කියල, තව වෙලවකට පෙන්නනව මධ්‍යස්ථ පිහිටීමක්. එන්ජිම කූල් වෙවී රත් වෙනවද? ඔන්න නිකමට හිතුන හොයල බලන්න. ඒක හොයන්න ගිහින් රේඩියේටර් එකේ සම්පූර්ණ වැඩ කෑල්ලම ගොඩ දාගත්ත.

  වාහන ඇන්ජිමේ සිලින්ඩර් තුල දහනය නිසා ඇතිවන තාපයෙන් වැඩි කොටසක් ඇන්ජිමේ ලෝහ වලට උරා ගන්න නිසා පට්ට විධියට ඇන්ජිම රත් වෙනව. ඕක ගොඩ දාගන්න තමයි ඉතිං රේඩියේටර් එකට තියන ජොබ් එක. රේඩියේටර් එකේ තියනවා ඉහල ටැංකිය සහ පහල ටැංකිය කියල ටැංකි 2ක්. ඇන්ජිම ස්ටාර්ට් කරපු ගමන් පම්පයක් මගින් රේඩියේටර් එකේ පහල ටැංකියෙ තියන වතුර ඇන්ජිමේ සිසිලන අවකාශවලට ඇදල ගන්නව.

ඇන්ජිමේ සිසිලන අවකාශවල වතුර පිරුනට පස්සෙ වතුර එළියට යන නලයෙ තියනව පොඩි ටැප් එකක් වගේ ගැජ්ට් එකක්. ඔන්න ඕක තමා අපේ හීට් කට්ට විධියට වැඩ කරන්නෙ. දැන් ඇන්ජිමේ සිසිලන අවකාශ වලට වතුර ආපු ගමන් නිසා වතුර කූල්. වතුර එලියට යවන ටැප් එක ඇරෙන්නෙ වතුර වල උෂ්ණත්වය ඇන්ජිමේ සත්‍ය උෂ්ණත්වයට සමාන වුන වෙලාවට විතරයි. අලුත් වතුර තාම කූල් නිසා ඩැෂ් බෝඩ් එකේ හීට් කට්ටෙන් පෙන්නනන්නෙ කූල් කියල. නමුත් ඌ අපිට පෙන්නනෙ ඇන්ජිම වටේ තියන වතුරවල උෂ්ණත්වය. වතුර එන්න එන්න රත් වෙනවත් සමග අපිට පේනව හීට් කට්ට ටික ටික උඩ යනව. වතුර ඇනිජිමේ සත්‍ය උෂ්ණත්වයට ආපු ගමන් ඇන්ජිමේ සිසිලන අවකාශවල ජලය පිටතට යන ටැප් එක විවෘත වෙනව.

සිසිලන අවකාශවල තිබුන සුපිරි විධියට රත් වෙච්ච වතුර ටික රේඩියේටර් එකේ ඉහල ටැංකියට එන අතරෙ පහල ටැංකියෙ තියන වතුර ඇන්ජිම කූල් කිරීමෙ මෙහෙයුමට ඇන්ජිමේ සිසිලන අවකාශ වලට රිංගනව. පහල ටැංකියෙන් ආපු සිසිල් වතුර අර හීට් ටැප් එකෙ වැදුන ගමන් ඌට මීටර් වෙනව වතුර ඇන්ජිමට වඩා පට්ට කූල් කියල. ඌ පටස් ගාල ආපහු ටැප් එක වහගන්නව. ඔන්න ඔය වෙලාවට තමා ඩෑෂ් බෝඩ් එකේ හීට් කට්ට විකාරෙන් වගේ පහලටම බහින්නෙ. ඇත්තටම හීට් මීටර් එක අපිට පෙන්නන්නෙ ඇන්ජිමේ උෂ්ණත්වය නෙවේ, ඇන්ජිම වටේ තියන වතුරවල උෂ්ණත්වය.

රත්වුන වතුර ඇන්ජිමෙන් එලියට එන කොටම රේඩියේටර් ෆෑන් එක ඔන් වෙලා ගේම පටන් ගන්නව. වතුර රේඩියේටර් එකේ ඉහල ටැංකියෙ සිට පහල ටැංකියට වංගු නව නව වැටෙනව. ඉහල ටැංකියට එන වතුර වල උෂ්ණත්වය වැඩි නිසා පීඩනය ඉහල යනව. පීඩනය ඉහල ගියොත් ඇන්ජිමෙන් එන වතුර ඉහල ටැංකියට එන එක නවතින නිසා තමයි  රේඩියේටර් කැප් එකත් ගැජට් එකක් කරල තියෙන්නෙ. පීඩනය වැඩිවෙන කොට රේඩීයේටර් කැප් එක ඕෆ් ලෝ ටැංකියට තියන එන්ට්‍රන්ස් එකත් අරිනව. ඕෆ් ලෝ ටැංකියට වතුර පිරෙන්නෙ ඔන්න ඔයවෙලාවට තමයි.

දැන් තේරෙනව නේද....
1) හීට් කට්ට උඩ පහල යන්නෙ ඇයි?
2) හීට් කට්ට පහල වැටෙන කොටම බොනට් එකෙන් ඇහෙන ෆෑන් ස්වුන්ඩ් එක මොකද්ද?
3)ඕෆ් ලෝ ටැංකිය පිරෙනේ කොහොමද?

ඇන්ජිමේ උෂ්ණත්වය හරියටම බලා ගන්න ඕනනම් හීට් කට්ට එක පරටම පහලට වැටෙන තැන බලන් ඉන්න. අන්න ඒක තමා ඇන්ජිමේ සත්‍ය උෂ්ණත්වය. ඕක බලන්න ගිහින් වාහනේ ඇන ගන්නව එහෙම නෙමෙයි ඔන්න.


මේ විඩියෝ එකේ කතාව හොදට තියනව....